| | | Forsíða | Fyrirtækið | Vörur | Molar |
Fréttir
Fréttabréf
Skráning á póstlista:


Hafa samband
Iceland express og Ávaxtabíllinn í samstarf

Meiri hollusta og aukið úrval matar um borð í flugvélum Iceland Express

Iceland Express og Ávaxtabíllinn, í samstarfi við Gæðabakstur, hafa gert með sér samkomulag um að Ávaxtabíllinn muni hér eftir sjá um matinn um borð í flugvélum Iceland Express. Í kjölfarið mun farþegum gefast kostur á að velja milli fleiri og hollari rétta en áður hafa verið í boði.

Farþegar Iceland Express munu frá og með 1. júní geta gætt sér á ferskum hollusturéttum í anda Ávaxtabílsins; pastaréttum, salatréttum og ávaxtasalati auk þess að geta valið pizzur eða langlokur sem sérbakaðar eru hjá Gæðabakstri af þessu tilefni.

Samstarf Iceland Express og Ávaxtabílsins er í takt við þá stefnu félagsins að farþegar þess ferðist með ánægju og er vöruúrvalið byggt upp með það markmið að leiðarljósi. Í öllum réttum Ávaxtabílsins er ferskleikinn í fyrirrúmi, þeir eru án aukaefna og óæskilegra viðbóta, t.d. er hvorki kiwi né hnetur notað við matreiðsluna.

„Við höfum að undanförnu orðið vör við meiri eftirspurn eftir ferskum og hollum mat meðal farþega okkar og erum að bregðast við því í dag. Ávaxtabíllinn framleiðir hágæða vöru sem við erum stolt af að bjóða í flugvélum Iceland Express. Við erum þess fullviss að þessi nýja þjónusta muni mælast vel fyrir,“ segir Matthías Imsland, forstjóri Iceland Express.

Til baka
Fyrirtækjaáskrift:
  Kennitala:  
  Lykilorð:  
   


Hefur fyrirtækið þitt prófað ávaxtaveislubakkana okkar?
 
  Nei
  Nei en langar að prófa
Senda inn svar

Vertu vinur okkar
Ávaxtabíllinn - Ávextir í áskrift
Sími: 517-0110
avaxtabillinn@avaxtabillinn.is   www.avaxtabillinn.is